काठमाडौं । आइसिसी विश्वकप २०२३ को फाइनलमा भारत र अष्ट्रेलियाबीच उपाधीका लागि आज प्रतिस्पर्धा हुदैछ । फाइनल खेल आज नरेन्द्र मोदी स्टेडियम अहमदाबादमा दिउँसो सवा दुई बजेबाट सुरु हुनेछ ।

नरेन्द्र मोदी स्टेडियमा दुई देशबीचको फाइनलखेल सुरु हुनुपूर्व एक भव्य सांगितिक समारोहको आयोजना हुनेछ । फाइनल खेल प्रत्यक्ष हेर्न भारतका प्रधानमन्त्री नरेन्द्र मोदी स्वयं स्टेडियममा जानेछन् । समूह चरणमा भारतले अस्ट्रेलियालाई ६ विकेटले हराएको थियो । सुरुवाती दुई खेलमा भारत र दक्षिण अफ्रिकासँग हारेको अस्ट्रेलियाले त्यसपछि लगातार ८ जितका साथ फाइनलमा स्थान बनाएको हो ।तर, जारी विश्वकपमा लिगका ९ खेल जितेको भारत अपराजित एक्लो टोली हो ।आइतबारको फाइनल भारतको चौथो र अष्ट्रेलियाको आठौं हो ।
हालसम्म विश्वकपका १३ खेल भएका छन्। अस्ट्रेलियाले पाँचपटक विश्वकपको उपाधी जित्दा भारतले दुई पटक मात्रै जितेको छ। यस्तै वेष्ट इन्डिजले दुई पटक, इंग्ल्याण्ड, श्रीलंका र पाकिस्तानले एक/एक पटक विश्वकपको उपाधी जितेका छन् ।

अस्ट्रेलियाले १९८७, १९९९,२००३, २००७ र २०१५ मा विश्वकपको उपाधी जितेको थियो ।भारतले १९८३ र २०११ को उपाधी जितेको थियो । २००३ मा भने अस्ट्रेलियाले भारतलाई फाइलनमा हराएको थियो । त्यसपछि आज यी दुई टोली उपाधी भिडन्त गर्दैछन् । दुई दशकपछि हुन लागको फाइनल खेलमा आज दुवै टोली जित्न चाहान्छन् । यी दुईबीचको उपाधी भिडन्त रोचक हुने देखिन्छ ।

सम्बन्धित खबर

”हामी सानो सानो टुक्रे एनआरएनए बनाउने होइन, अखण्ड एनआरएनए बनाउन चाहन्छौं”- आरके शर्मा

काठमाडौँ - गैर आवासीय नेपाली संघ (एनआरएनए) का अध्यक्ष राजेन्द्र कुमार (आर के) शर्माले संघमा अहिले देखिएको विवाद समाधान गर्न…

८ सय २० करोड अर्कैको खातामा जम्मा भएपछि…

काठमाडौं । युको बैंक अफ इण्डियाले, गल्तीले अन्य खातामा जम्मा भएको ६ सय ४९ करोड भारतीय रुपैयाँ पुन आफ्नो खातामा…

अमेरिका र चीन उच्च तहमा वार्ताः पृथ्वीमा दुइवटा सुपरपावर मात्र रहन सक्ने

काठमाडौं । अमेरिकाका राष्ट्रपति जो बाइडेन र चीनका राष्ट्रपति सी जिनपिंगले बुधवार राती अमेरिकाको क्यालिफोर्नियामा भेटवार्ता गरेका छन् । यो…